«Ливерпул» «Челси» юлдузи учун курашга қўшилди
ФОТО: Getty Images
«Ливерпул» «Челси»нинг ҳужумкор ярим ҳимоячиси Кристофер Нкункуга қизиқиш билдирмоқда. Бу ҳақда Footmercato нашри хабар берди.
Манбага кўра, мерсисайдликлар 27 ёшли футболчи билан музокараларни бошлаб юборган. «Қизиллар» Нкунку учун курашда «Ньюкасл» ва «Бавария» билан рақобатлашишига тўғри келади.
Маълумот учун, Нкунку 2023 йилнинг ёзидан буён «Челси» сафида ўйнаб келмоқда. У жорий мавсум барча турнирларда 42 та ўйинда майдонга тушиб, 14 та гол урди ва 5 та голли узатмани амалга оширди.
Футболчининг «аристократлар» билан тузган амалдаги шартномаси 2029 йилнинг ёзига қадар амал қилади. Унинг Transfermarkt’даги нархи 45 миллион евросига баҳоланмоқда.
Насрулло Каримов
Журналист
