«Ливерпуль» Брэдли Барколага даъвогар бўлиб қолмоқда

Англиянинг «Ливерпуль» клуби ҳозирча «ПСЖ» вингери Брэдли Барколага аниқ қизиқиш билдирган ягона жамоа бўлиб турибди. Бу ҳақда машҳур журналист ва инсайдер Фабрицио Романо X ижтимоий тармоғида маълум қилди.

Манбага кўра, Барколага «Барселона» ҳам қизиқиш билдирмоқда, деган хабарлар ҳақиқатга тўғри келмайди. Айни пайтда футболчи учун фақат «Ливерпуль» томонидан жиддий қизиқиш мавжуд.

24 ёшли француз ҳужумчиси ўтган мавсумда барча мусобақаларда 49 та учрашувда иштирок этиб, 13 та гол урди ва 7 та голли узатма муаллифи бўлди.

Барколанинг «ПСЖ» билан амалдаги шартномаси 2028 йилнинг ёзигача мўлжалланган.

Transfermarkt маълумотига кўра, футболчининг бозор қиймати 70 миллион еврога баҳоланмоқда.

Розикжон Султонмуродов

Журналист

0 0 0 0 0 0