“Ливерпуль” Бредли Баркола трансферини келишиб олди
“Ливерпуль” ПСЖ вингери Бредли Барколани трансфер қилиш бўйича келишувга эришди. 23 ёшли франциялик футболчининг Англия клубига ўтиши яқин, бироқ битим ҳали расман якунланмаган.
Маълумотларга кўра, “Ливерпуль” Баркола учун 117 миллион евро кафолатланган тўловни амалга оширади. Бонуслар билан трансфер қиймати 164 миллион еврогача етиши мумкин. Яқин вақт ичида клублар зарур ҳужжатларни алмашиши кутилмоқда.
Баркола 2023-йил ёзидан буён ПСЖ сафида тўп тепмоқда. Франциялик футболчи Париж клуби таркибида барча мусобақаларда 152 та учрашув ўтказиб, 39 та гол урган ва 37 та голли узатмани амалга оширган.
Маълумот учун, “Ливерпуль” ва ПСЖ ўртасида трансфер бўйича принципиал келишувга эришилган. Ҳозирда битимнинг сўнгги тафсилотлари муҳокама қилинмоқда ва трансфер яқин кунларда якунланиши кутилмоқда.
