«Ливерпул» Бредли Баркола трансфери устида ишламоқда

«Ливерпул» клуби ПСЖнинг 23 ёшли вингери Бредли Барколани ўз сафига қўшиб олмоқчи. Бу ҳақда «Le10Sport» журналисти Алексис Бернард хабар берди.

Ҳужумнинг чап қанотини кучайтирмоқчи бўлган «қизиллар» Барколани Европадаги энг иқтидорли ёш футболчилардан бири деб ҳисобламоқда. Манбага кўра, франциялик футболчининг ўзи ҳам ўтган ёздагидан кўра ҳозир Англияга кўчиб ўтишга кўпроқ мойиллик билдирмоқда.

Маълумот учун, Баркола жорий мавсумда барча турнирларда 48 та ўйинда майдонга тушиб, 13 та гол ва 7 та ассист қайд этди. Унинг Transfermarkt'даги нархи 70 миллион еврога баҳоланмоқда.

Насрулло Каримов

Журналист