«Liverpul» Bredli Barkola transferi ustida ishlamoqda

«Liverpul» klubi PSJning 23 yoshli vingeri Bredli Barkolani oʻz safiga qoʻshib olmoqchi. Bu haqda «Le10Sport» jurnalisti Aleksis Bernard xabar berdi.

Hujumning chap qanotini kuchaytirmoqchi boʻlgan «qizillar» Barkolani Yevropadagi eng iqtidorli yosh futbolchilardan biri deb hisoblamoqda. Manbaga koʻra, fransiyalik futbolchining oʻzi ham oʻtgan yozdagiga qaraganda hozir Angliyaga koʻchib oʻtishga koʻproq moyillik bildirmoqda.

Maʼlumot uchun, Barkola joriy mavsumda barcha turnirlarda 48 ta oʻyinda maydonga tushib, 13 ta gol va 7 ta assist qayd etdi. Uning Transfermarkt'dagi narxi 70 million yevroga baholanmoqda.

Nasrullo Karimov

Jurnalist