«Ливерпуль» бор эътиборини Хулиан Алваресга қаратиши мумкин
Футбол
Насрулло Каримов
Журналист
ФОТО: Getty Images
Англиянинг «Ливерпуль» клуби «Атлетико Мадрид» ҳужумчиси Хулиан Алваресга қизиқиш билдирмоқда ва ёзги трансферлар вақтида уни ўз сафига қўшиб олмоқчи. Бу ҳақда Fichajes нашри хабар бермоқда.
Манбага кўра, мерсисайдликлар Алваресни қўлга киритиш учун ҳамма нарсага тайёр. Келишувни амалга ошириш учун «қизиллар» трансфер учун тўланадиган маблағдан ташқари Дарвин Нунесни ҳам ишга солмоқчи.
Маълумот учун, Хулиан Алварес жорий мавсум «Атлетико Мадрид» сафида 51 та ўйинда майдонга тушиб, 27 та гол урди ва 5 та голли узатмани амалга оширди. Унинг Transfermarkt’даги нархи 90 миллион евроға баҳоланмоқда.
