«Ливерпуль» Бельгия терма жамоаси ҳимоячисини нишонга олди
ФОТО: Getty Images
«Брюгге»нинг чап қанот ҳимоячиси Максим де Кюйпер фаолиятини АПЛда давом эттириши мумкин. Бу ҳақда журналист Бенсе Бочак хабар бермоқда.
Манбага кўра, мерсисайдликлар бельгиялик футболчини бир йилдан ортиқ вақт давомида кузатиб келмоқда.
Қайд этилишича, «Ливерпуль» ҳимоя чизиғининг чап қанотини кучайтириш учун де Кюйперни идеал вариант деб ҳисоблайди. 24 ёшли футболчи Эндрю Робертсонга рақобат қилиши кутилмоқда.
Маълумот учун, де Кюйпер жорий мавсум «Брюгге» сафида жами 50 та ўйинда майдонга тушиб, 4 та гол урди ва 7 та голли узатмани амалга оширди. Унинг Transfermarkt'даги нархи 16 миллион евроға баҳоланмоқда.
Насрулло Каримов
Журналист
