«Ливерпуль» Арне Слотга ультиматум қўйди
«Ливерпуль» бош мураббийи Арне Слотнинг келажаги жамоанинг сўнгги натижалари фонида сўроқ остида қолмоқда. The Touchline нашри хабарига кўра, клуб раҳбарияти нидерландиялик мутахассисга асосий эътиборни Англия Премьер-лигаcидаги чемпионлик пойгасига эмас, балки Чемпионлар Лигаси ва Англия Кубогидаги иштирокқа қаратишни буюрган.
Слот жорий мавсум якунларида истеъфога чиқарилиши мумкин. Мураббий ўз жойини сақлаб қолиши учун клуб раҳбарияти олдига қатъий талаблар қўйилган. Унга кўра, мураббий мавсум якунларигача камида битта нуфузли кубокни қўлга киритиши ҳамда кейинги мавсум учун Чемпионлар Лигаси йўлланмасини таъминлаши шарт. Агар ушбу вазифалар бажарилмаса, 2027 йилгача мўлжалланган шартнома муддатидан аввал бекор қилиниши мумкин.
Айни пайтда «Ливерпуль»нинг натижалари кутилганидек барқарор эмас. Жамоа 25 турдан сўнг 39 очко билан АПЛ турнир жадвалининг 6-поғонасида бормоқда. Англия Кубогида мерсисайдликлар муваффақиятли тарзда тўртинчи раундга йўл олишган бўлса, Чемпионлар Лигасида жамоа ўз юришини 1/8 финал босқичидан давом эттиради.
Қайд этиш жоизки, Арне Слот 2024 йилда Юрген Клоппнинг ўрнига тайинланган ва дебют мавсуниёқ жамоа билан Англия чемпионлигини қўлга киритиб, катта ишончга эришган эди. Бироқ жорий мавсумдаги пасайиш раҳбариятни қатъий чоралар кўришга мажбур қилмоқда.
