«Ливерпуль» Арне Слот билан ишлашни давом эттирмоқчи
47 ёшли Арне Слот 2024 йилда «Ливерпуль» бошқарувини қабул қилган.
ФОТО: Getty images
Англиянинг «Ливерпуль» клуби мавсум якунидан сўнг бош мураббий Арне Слот билан хайрлашишни режалаштирмайди. Бу ҳақда журналист Николо Скира Х ижтимоий тармоғида маълум қилди.
«Миш-мишларга қарамай, «Ливерпуль» Арне Слотни келаси мавсумда ҳам тренерлик лавозимида сақлашни режалаштирмоқда. Жамоа бу ёзда бош мураббийни алмаштиришни қўлламайди», — деб ёзди Скира.
47 ёшли Арне Слот 2024 йилда «Ливерпуль» бошқарувини қабул қилган. Унинг қўл остида жамоа биринчи мавсумда Англия чемпионати ғолибига айланган.
Ҳозирги вақтда «Ливерпуль» Англия Премьер-лигаси жадвалида 36 учрашувдан сўнг 59 очко билан тўртинчи ўринда турибди.
Розикжон Султонмуродов
Журналист