«Liverpul» Arne Slot bilan ishlashni davom ettirmoqchi
47 yoshli Arne Slot 2024 yilda “Liverpul” boshqaruvini qabul qilgan.
ФОТО: Getty images
Angliyaning “Liverpul” klubi mavsum yakunidan so‘ng bosh murabbiy Arne Slot bilan xayrlashishni rejalashtirmaydi. Bu haqda jurnalist Nikolo Skira X ijtimoiy tarmog‘ida ma’lum qildi.
«Mish-mishlarga qaramay, “Liverpul” Arne Slotni kelasi mavsumda ham murabbiylik lavozimida saqlab qolishni rejalashtirmoqda. Jamoa bu yozda bosh murabbiyini almashtirish niyatida emas», — deb yozdi Skira.
47 yoshli Arne Slot 2024 yilda “Liverpul” boshqaruvini qabul qilgan. Uning qo‘l ostida jamoa ilk mavsumdayoq Angliya chempionati g‘olibiga aylangan.
Hozirda “Liverpul” Angliya Premyer-ligasi jadvalida 36 uchrashuvdan so‘ng 59 ochko bilan to‘rtinchi o‘rinda bormoqda.
Roziqjon Sultonmurodov
Jurnalist