«Ливерпул» АПЛда Слот қўл остида илк бор 0:0 ҳисобида дуранг ўйнади
Бундай натижа илк бор 2023 йилнинг декабрида кузатилган эди.
ФОТО: Getty Images
«Ливерпул» ва «Лидс Юнайтед» Англия Премьер-лигасининг 19-тур учрашувида 0:0 ҳисобида дуранг ўйнади. Шу тариқа, «Ливерпул» бош мураббий Арне Слот қўл остида Англия чемпионатида илк бор голсиз дуранг қайд этди. Бу ҳақда Squawka нашри X (собиқ Twitter) ижтимоий тармоғида маълум қилди.
Шунингдек, бу «Ливерпул»нинг Англия Премьер-лигаcидаги 2023 йил декабридан бери қайд этилган илк 0:0 ҳисобидаги дуранги бўлди. Ўшанда мерсисайдликлар «Манчестер Юнайтед»га қарши баҳс олиб борган эди.
«Лидс Юнайтед» турнир жадвалида 19 ўйиндан сўнг 21 очко билан 16-ўринда бормоқда. «Ливерпул» эса 33 очко жамғариб, тўртинчи поғонани эгаллаб турибди. Чемпионат пешқадами — 45 очкога эга «Арсенал».
Насрулло Каримов
Журналист