«Ливерпуль» Альваресга қизиқиш билдирмоқда
Унинг клуб билан шартномаси 2030 йилнинг ёзига қадар амал қилади.
ФОТО: Getty images
“Ливерпуль” клуби “Атлетико” ҳужумчиси Хулиан Альваресни ўз сафига қўшиб олмоқчи. Бу ҳақда Fichajes хабар берди.
Манбага кўра, мерсисайдликлар 25 ёшли футболчини келаси ёзги трансфер ойнасида сотиб олишни режалаштирмоқда. Қолаверса, Алвареснинг ўзи ҳам жамоани ўзгартиришга қарши эмас.
Бироқ “Атлетико” ҳужумчини осонликча қўйиб юбормайди. Альваресга нафақат “Ливерпуль”, балки Испаниянинг “Барселона” клуби ҳам жиддий қизиқиш билдирмоқда.
Жорий мавсумда Альварес Ла Лига доирасидаги бешта ўйинида майдонга тушиб, ўз ҳисобига битта гол ва битта голли узатма ёздириб қўйган. Унинг клуб билан шартномаси 2030 йилнинг ёзига қадар амал қилади.
Розикжон Султонмуродов
Журналист