«Ливерпуль» Алиссонни сақлаб қолмоқчи
Инглиз клуби бразилиялик дарвозабонни қўйиб юбормайди.
ФОТО: Getty images
«Ливерпуль» дарвозабон Алиссон Бекерга келаси мавсумда клубда қолиб, ўйнашда давом этишини хоҳлашини маълум қилди.
Журналист Фабрицио Романонинг маълумотларига кўра, бу режа ўтган ҳафтадаёқ тасдиқланган, чунки «Ливерпуль» бу ёзда жамоанинг яна бир тажрибали ва муҳим ўйинчисини йўқотишни истамайди.
Аввалроқ 33 ёшли дарвозабоннинг «Ювентус»га ўтишга розилик бергани ҳақида хабар қилинганди.
Ўтган мавсумда Алиссон Бекер «Ливерпуль» сафида барча турнирларда 35 та ўйин ўтказиб, уларнинг 13 тасида ўз дарвозаси дахлсизлигини сақлаб қолди.
Розикжон Султонмуродов
Журналист
