“Ливерпуль” Адам Уортон трансферига қайтиши мумкин
“Ливерпуль” “Кристал Пэлас” ярим ҳимоячиси Адам Уортон трансферига қизиқишни давом эттирмоқда. Мерсисайдликлар 22 ёшли англиялик футболчини анчадан бери кузатиб келмоқда ва уни жамоанинг ярим ҳимоя чизиғини кучайтириши мумкин бўлган вариантлардан бири сифатида кўрмоқда.
Манбага кўра, Уортон яқин икки трансфер ойнасидан бирида “Кристал Пэлас”ни тарк этиши кутилмоқда. Трансфер 2027 йил январидаёқ амалга ошиши мумкин. “Ливерпуль” ёзда бошқа позицияларни кучайтиришга устувор аҳамият бергани сабаб футболчи бўйича фаол музокараларга киришмаган эди.
Уортонга “Ньюкасл” ҳам қизиқиш билдирмоқда. “Кристал Пэлас” ёзги трансфер ойнасида ярим ҳимоячини қўйиб юборишни истамаган, клуб бош мураббийи Пьер Саж эса футболчи бўйича таклифлар тушганини, бироқ Уортоннинг ўзи жамоада қолишни хоҳлаганини тасдиқлаган.
Маълумот учун, Уортоннинг трансфер қиймати Transfermarkt томонидан 70 миллион еврога баҳоланмоқда. TEAMtalk маълумотига кўра эса “Кристал Пэлас” футболчи учун қарийб 75 миллион фунт талаб қилиши мумкин.
