“Ливерпуль” 60 млн евро турадиган ярим ҳимоячини кузатмоқда
“Ливерпуль” “AZ Алкмаар”нинг 20 ёшли ярим ҳимоячиси Кес Смитга жиддий қизиқиш билдирмоқда. Мерсисайдликлар футболчини қишки трансфер ойнасида қўлга киритиш имкониятини кўриб чиқмоқда. Бу ҳақда TEAMtalk нашри хабар бермоқда.
Манбага кўра, “Ливерпуль” скаутлари яқинда Смитнинг Европа лигасида “Сандерленд”га қарши ўйинини стадиондан кузатган. Клуб футболчининг техникаси, тўп билан ишлаши ва прессингдаги фаоллигини юқори баҳоламоқда. “AZ Алкмаар” эса ёш ярим ҳимоячиси учун тахминан 60 миллион евро талаб қилиши мумкин.
Смитга қизиқayotgan клублар фақат “Ливерпуль” билан чекланмайди. “Челси”, “Тоттенхэм”, “Ноттингем Форест”, “Астон Вилла”, “Кристал Пэлас” ва “Брайтон” ҳам футболчининг ривожланишини кузатмоқда. Шу сабабли унинг трансфери учун рақобат кучайиши кутилмоқда.
Маълумот учун, Кес Смит “AZ Алкмаар” академияси тарбияланувчиси бўлиб, 2024 йилда асосий жамоада дебют қилган. У Нидерландиянинг энг истиқболли ёш ярим ҳимоячиларидан бири сифатида баҳоланмоқда ва “AZ” уни клуб тарихидаги энг қиммат трансферлардан бирига айлантиришни кўзламоқда.
