“Ливерпуль” 2026/27-мавсум учун учинчи либосини тақдим этди

“Ливерпуль” 2026/27-мавсум учун мўлжалланган учинчи ўйин либосини расман намойиш қилди. Янги форма клубнинг техник ҳамкори Adidas билан ҳамкорликда ишлаб чиқилган.

Либос асосан қора рангда бўлиб, бордо рангдаги деталлар ва хира кумуш акцентлар билан безатилган. Дизайн “Ливерпуль”нинг Еврокубоклардаги машҳур кечалари ва “Энфилд” стадионидаги ўзига хос муҳитдан илҳомланган.

Футболканинг бутун юзасига махсус график нақш туширилган. Клуб маълумотига кўра, ушбу элемент мухлисларнинг умумий энергияси ва трибунадаги ҳаракатни акс эттиради.

Маълумот учун, янги учинчи либос тақдимоти билан бир вақтда “Ливерпуль” ва Adidas клубнинг янги онлайн-дўконини ҳам ишга туширди.

Насрулло Каримов

Журналист

0 0 0 0 0 0