“Liverpul” 2026/27-mavsum uchun uchinchi libosini taqdim etdi

“Liverpul” 2026/27-mavsum uchun mo‘ljallangan uchinchi o‘yin libosini rasman namoyish qildi. Yangi forma klubning texnik hamkori Adidas bilan hamkorlikda ishlab chiqilgan.

Libos asosan qora rangda bo‘lib, bordo rangdagi detallar va xira kumush aksentlar bilan bezatilgan. Dizayn “Liverpul”ning Yevrokuboklardagi mashhur kechalari va “Enfild” stadionidagi o‘ziga xos muhitdan ilhomlangan.

Futbolkaning butun yuzasiga maxsus grafik naqsh tushirilgan. Klub ma’lumotiga ko‘ra, ushbu element muxlislarning umumiy energiyasi va tribunadagi harakatni aks ettiradi.

Ma’lumot uchun, yangi uchinchi libos taqdimoti bilan bir vaqtda “Liverpul” va Adidas klubning yangi onlayn-do‘konini ham ishga tushirdi.

Nasrullo Karimov

Jurnalist

0 0 0 0 0 0