«Ливерпуль» 2021 йилдан бери «Челси»га ютқазмаяпти
Англия Премьер-лигасининг 36-тури доирасида «Ливерпуль» ҳамда «Челси» жамоалари ўртасидаги учрашувда 1:1 ҳисоби қайд этилди. Ливерпулдаги «Энфилд» стадионида бўлиб ўтган баҳсдаги дуранг натижа мерсисайдликларнинг ўз уйида «кўклар»га ютқазмаётган сериясини давом эттирди.
Маълумот учун, «Ливерпуль» ўз майдонида «Челси»га охирги марта 2021 йилнинг март ойида имкониятни бой берган эди. Ўшанда АПЛнинг 29-тури доирасида лондонликлар 1:0 ҳисобидаги ғалаба билан қайтишган. Ўша ўйиндан буён жамоалар Ливерпулда беш бор тўқнаш келишди — учрашувларнинг уч тасида дуранг қайд этилган бўлса, икки бор «қизиллар» зафар қучишган.
Англия чемпионатининг 36 та ўйинидан сўнг, мерсисайдликлар 59 очко билан турнир жадвалида тўртинчи ўринни эгаллаб турибди. «Челси» эса 49 очко жамғарган ҳолда 9-поғонадан жой олган.
