Лионел Месси Ўзбекистонда футбол клуби очадими?
FonTeam подкастида спорт шарҳловчиси Ўзбекистоннинг жаҳон чемпионатига чиқиши Марказий Осиёда футбол тараққиёти учун муҳим туртки бўлишини таъкидлади:
«Ўзбекистон жаҳон чемпионатига йўл олиб, Марказий Осиёда футбол ривожланаётганини амалда исботлади. Бу воқеа бутун минтақа учун ислоҳотларга сабаб бўлади. Бу ҳақда ҳозир ҳам, 2026 йилги ЖЧдан кейин ҳам гапирилади. Бу — тарихий воқеа, фақат спорт эмас, сиёсий нуқтаи назардан ҳам аҳамиятли. Энди Ўзбекистон ва қўшни мамлакатларда — Қозоғистон, Қирғизистон, Тожикистон ва Туркманистонда янги футбол академиялари ташкил этилиши кутилмоқда. Ҳатто Red Bull компанияси бу ерда ўз жамоасини ташкил этиши мумкинлиги ҳақида миш-мишлар бор».
Маулен шунингдек, Лионел Мессининг режалари ҳақида инсайдер маълумоти билан ўртоқлашди:
«Мессининг футбол клублари ташкил этиш билан шуғулланадиган компанияси бор. Яқин йилларда тўртта жамоа ташкил этиш режалаштирилган — Лотин Америкаси, Европада ва биттаси Марказий Осиёда. Ушбу жамоа Ўзбекистонда ҳам, Қозоғистонда ҳам ташкил этилиши мумкин.
Шу билан бирга, Жанни Инфантино ҳам Марказий Осиёни ФИФА учун стратегик минтақа деб ҳисоблайди. У ерда ФИФАнинг филиали ташкил этилиши кўзда тутилган, ва бу Қозоғистон ёки Ўзбекистонда жойлашиши эҳтимолдан холи эмас», — деди Қозоғистон терма жамоаси матбуот котиби.
