Лионель Месси 35 ёшдан кейин Жаҳон чемпионатларида гол уриш бўйича мутлақ рекорд ўрнатди
Аргентина терма жамоаси сардори Лионель Месси Австрияга қарши учрашувда (2:0) дубл қайд этиб, навбатдаги рекордни расмийлаштирди. Opta нашрининг хабар беришича, 38 ёшли ҳужумчи 35 ёшга тўлганидан кейин Жаҳон чемпионатларида урган гуллари сонини 12 тага етказиб олди.
Жаҳон биринчиликларида 35 ва ундан катта ёшда гол урган футболчилар орасида унинг энг яқин таъқибчилари анча ортда қолиб кетишган: камерунлик Роже Милла ҳисобида бешта, франциялик Оливье Жиру фаолиятида эса тўртта гол мавжуд.
Аргентина ва Австрия терма жамоалари ўртасидаги учрашув 22-июн куни Далласда, ЖЧ-2026 гуруҳ босқичининг 2-тури доирасида бўлиб ўтди. Аргентиналиклар олти очко жамғарган ҳолда «Ж» гуруҳидан муддатидан олдин 1/16 финал босқичига биринчи ўрин билан йўлланма олишди. Аргентина навбатдаги учрашувини 28-июн куни Иордания терма жамоасига қарши ўтказади.
