Lionel Messi 35 yoshdan keyin Jahon chempionatlarida gol urish boʻyicha mutloq rekord oʻrnatdi
Argentina terma jamoasi sardori Lionel Messi Avstriyaga qarshi uchrashuvda (2:0) dubl qayd etib, navbatdagi rekordni rasmiylashtirdi. Opta nashrining xabar berishicha, 38 yoshli hujumchi 35 yoshga toʻlganidan keyin Jahon chempionatlarida urgan gollari sonini 12 taga yetkazib oldi.
Jahon birinchiliklarida 35 va undan katta yoshda gol urgan futbolchilar orasida uning eng yaqin taʼqibchilari ancha ortda qolib ketishgan: kamerunlik Roje Milla hisobida beshta, fransiyalik Olivye Jiru aktivida esa toʻrtta gol mavjud.
Argentina va Avstriya terma jamoalari oʻrtasidagi uchrashuv 22-iyun kuni Dallasda, JCh-2026 guruh bosqichining 2-turi doirasida boʻlib oʻtdi. Argentinaliklar olti ochko jamgʻargan holda «J» guruhidan muddatidan oldin 1/16 final bosqichiga birinchi oʻrin bilan yoʻllanma olishdi. Argentina navbatdagi uchrashuvini 28-iyun kuni Iordaniya terma jamoasiga qarshi oʻtkazadi.