«Лион» «Ювентус» ҳужумчиси Лоа Опендани ўз сафига қўшиб олмоқчи
Франциянинг «Лион» клуби Италиянинг «Ювентус» жамоаси ҳужумчиси Лоа Опендани сотиб олиш орқали ўз ҳужум чизиғини кучайтирмоқчи. Бу ҳақда таниқли журналист ва инсайдер Жанлука Ди Марцио ўзининг шахсий сайтида хабар тарқатди.
Манбанинг маълум қилишича, бельгиялик форвардга «Лион»дан ташқари Франкфуртдаги «Айнтрахт», «Монако» ҳамда Англиянинг «Ноттингем Форест» клублари ҳам даъвогарлик қилмоқда. Айни дамда «Лион» раҳбарияти ушбу трансферни амалга ошириш учун расмий ва аниқ қадамларни ташлаш-ташламаслиги ҳозирча номаълум бўлиб турибди.
Ортида қолган мавсумда Лоа Опенда барча турнирлар доирасида 37 та учрашувда майдонга тушиб, ўз ҳисобига 2 та гол ёздириб қўйди. Transfermarkt портали берган маълумотларга кўра, футболчининг айни дамдаги бозор баҳоси 25 миллион еврони ташкил этади. Эслатиб ўтамиз, бельгиялик ҳужумчи муқаддам «RB Лейпциг», «Ланс», «Витесс» ва «Брюгге» клублари шарафини ҳам ҳимоя қилган.
