LinkedIn’дан топилган бахт: Кабо-Верде ҳимоячиси терма жамоага қандай бориб қолганини сўзлаб берди
Кабо-Верде терма жамоаси ҳимоячиси Роберто Лопес ўз миллий жамоасига қандай қилиб ноодатий тарзда — LinkedIn иш қидириш ижтимоий тармоғи орқали келиб қолгани ҳақида гапириб берди. Бу ҳақда Reuters агентлиги хабар бермоқда.
Эътиборли жиҳати шундаки, Ирландияда туғилган футболчи (унинг отаси кабо-верделик ҳисобланади) дастлаб португал тилида келган хабарни эътиборсиз қолдирган ва уни шунчаки спам деб ўйлаган.
“Орадан тўққиз ой ўтиб, улар менга яна ёзишди — бу сафар инглиз тилида ва Кабо-Верде сафида ўйнаш таклифи ҳақида ўйлаб кўрган-кўрмаганимни сўрашди. Шу пайтдан кейин мен энг биринчи галда қилишим керак бўлган ишни қилдим: ўша биринчи хабарни Google Translate орқали таржима қилдим. Ижтимоий тармоқ орқали алоқага чиқиш биоз ғалати ёндашув эди, албатта. Кейинчалик менга тушунтиришларича, улар менинг клубим билан боғланишда қийинчиликка дуч келишган экан. Қаршимда шундай ажойиб имконият борлигини англаган илк дақиқамданоқ бу ғояни қўллаб-қувватладим. Шунингдек, керакли барча ҳужжатларни расмийлаштиришга киришдик”, деди Лопес.
Маълумот учун, Кабо-Верде терма жамоаси ЖЧ-2026 турнирининг 1/16 финалида Аргентина термасига қўшимча таймларда 2:3 ҳисобида имкониятни бой бериб, мусобақани тарк этди.
