Лингард Ла Лига клубига ўтиши мумкин
Англиялик 1 январдан эркин агентга айланади.
ФОТО: Getty images
Ярим ҳимоячи Жесси Лингард Жанубий Кореяни тарк этиб, Европага қайтишга тайёргарлик кўрмоқда.
Fichajes нашри хабар беришича, "Манчестер Юнайтед" тарбияланувчисига "Севилья", "Сельта" ва "Реал Овьедо" даъвогарлик қилмоқда.
Англиялик 1 январдан эркин агентга айланади, шунинг учун уни трансфер пулисиз қўлга киритиш мумкин.
Маълумот учун, Жесси Лингард "Сеул" сафида 2024 йилнинг февралидан буён тўп суриб келаётганди.
Футболчи Жанубий Корея жамоаси сафида 67 та ўйинда майдонга тушиб, 19 та гол урган ва ўнта голли узатмани амалга оширган. Transfermarkt талқинига кўра Жессининг бозор қиймати 2,2 млн еврони ташкил қилмоқда.
Розикжон Султонмуродов
Журналист