Линекер ЖЧ-2026 фаворитларини санади
Турнир 11 июндан 19 июлга қадар АҚШ, Мексика ва Канада майдонларида бўлиб ўтади.
ФОТО: Getty images
“Барселона” ва Англия терма жамоасининг собиқ футболчиси Гари Линекер 2026 йилги жаҳон чемпионатининг асосий фаворитларини санаб ўтди.
“Испания – асосий фаворитлардан бири. Уларда ажойиб шаклланган. Англияда ҳам етарлича имкониятлар бор. Лекин жаҳон чемпионатидаги имкониятлари юқори деб баҳоламайман. Шуниндек, Франция ва Аргентина ҳам мундиал ғолиблиги учун кураша олади. Ахир, аргентиналикларда юқори даражада ўйнай оладиган Месси бор”, - дея Линекернинг сўзларидан келтиради Marca нашри.
Маълумот учун, 2026 йилги Жаҳон чемпионатида илк марта 48 терма жамоа иштирок этади. Турнир 11 июндан 19 июлга қадар АҚШ, Мексика ва Канада майдонларида бўлиб ўтади. Мундиал гуруҳ босқичига қуръа ташлаш маросими 5 декабрь куни Вашингтонда ўтказилади.
Розикжон Султонмуродов
Журналист