Lineker JCH-2026 favoritlarini sanadi
"Barselona" va Angliya terma jamoasining sobiq futbolchisi Garri Lineker 2026 yilgi jahon chempionatining asosiy favoritlarini sanab o‘tdi.
"Ispaniya – asosiy favoritlardan biri. Ularda ajoyib jamoaviy shakllanish bor. Angliyada ham yetarli imkoniyatlar mavjud. Lekin jahon chempionatidagi imkoniyatlarini yuqori deb baholamayman. Shuningdek, Fransiya va Argentina ham mundial g‘olibligi uchun kurasha oladi. Axir, argentinaliklarda yuqori darajada o‘ynay oladigan Messi bor", – deya Linekerning so‘zlaridan keltiradi Marca nashri.
Ma'lumot uchun, 2026 yilgi Jahon chempionatida ilk bor 48 terma jamoa ishtirok etadi. Turnir 11 iyundan 19 iyulgacha AQSh, Meksika va Kanada maydonlarida bo‘lib o‘tadi. Mundial guruh bosqichiga qur’a tashlash marosimi 5 dekabr kuni Vashingtonda o‘tkaziladi.
