Линдельоф «Астон Вилла»га ўтмоқда – Романо
Фото: Getty Images
"Манчестер Юнайтед" собиқ ҳимоячиси Виктор Линдельоф "Астон Вилла" билан шартнома имзолайди. Бу хақда инсайдер ва журналист Фабрицио Романо хабар берди.
Манбага кўра, 31 ёшли швециялик ҳимоячига "Фиорентина" ҳамда "Эвертон" ҳам таклиф билан чиққанди. Бироқ Бирмингем клубининг таклифи футболчига кўпроқ маъқул келган ва 1+1 кўринишидаги шартнома бўйича келишувга эришган. Яқин вақтларда ҳимоячи тиббий кўрикдан ўтади.
Яқинда у “МЮ”ни эркин агент сифатида тарк этганди. У 2017 йил ёзида “қизил иблислар” аъзосига айланганди. Манкунианликлар таркибидаги 8 мавсум мобайнида у 284 ўйинда қатнашиб, 4 гол ва 7 ассист қайд этди.
Розикжон Султонмуродов
Журналист