«Лилль» туркиялик дарвозабон билан шартнома имзолади
Фото: Getty Images
Франциянинг “Лилль” клуби “Истанбул Эюпспор” дарвозабони Берке Ўзерни ўз сафига қўшиб олди. Бу ҳақда клуб матбуот хизмати расман эълон қилди.
Манбага кўра, томонлар ўртасида 2029 йилга қадар мўлжалланган шартнома имзоланган. Трансфер нархи эса 4,5 миллион еврони ташкил этган.
Шу тариқа, Ўзер бир неча кун олдин “ПСЖ”га йўл олган Люка Шевальенинг ўрнини эгаллайди.
Маълумот учун, Ўзер бунгача “Фенербаҳче”, “Портимоненсе” ва “Умранийеспор” клублари сафида ҳам тўп сурган.
Розикжон Султонмуродов
Журналист