Лига Кубоги. «Интер Майами» пенальтилар сериясида ғалаба қозонди, Месси жароҳат олди
Фото: Getty Images
"Интер Майами" Лига кубоги гуруҳ ўйинида "Некакса"ни пенальтилар сериясида мағлуб этди (2:2, 5:4 - пенальти).
"Интер" сафида Теласко Сеговия ва 90+2-дақиқада гол урган Жорди Альба ўз номини таблога ёздириб қўйди. Бунга мексикаликлар Томас Бадалони ва Рикардо Монреалнинг аниқ зарбалари билан жавоб қайтарди. Пенальтилар сериясида "Интер Майами" аниқроқ бўлди - 5:4.
Флорида клуби сардори Лионель Месси жароҳат олди ва 11-дақиқада захирага олинди.
Лигалар кубогининг навбатдаги ўйинида "Интер Майами" 7 август куни "Пумас" билан ўйнайди.
Лига кубоги. Гуруҳ босқичи
“Интер Майами” 2:2 “Некакса” (пен: 5:4)
Розикжон Султонмуродов
Журналист