Лига 1. «ПСЖ» «Лилль» дарвозасига жавобсиз 3 та гол урди
Луис Энрике жаммоаси пешқадамга айланиб олди.
ФОТО: Getty images
Франция чемпионатининг 18-туридан ўрин олган "Лилль"га қарши баҳсда "ПСЖ" 3:0 ҳисобида ғалаба қозонди.
Учрашувнинг 13-дақиқасида Усмон Дембеле ҳисобни очди. Иккинчи бўлим бошида у дубль қайд этиб, парижликларнинг иккинчи голини урди. Учрашув якунида Брэдли Барколя ҳисобни йирик кўринишга олиб келди.
Натижада "ПСЖ" очколарини 42 тага етказиб, пешқадамга айланиб олди. "Лилль" 32 очко билан тўртинчи ўринда бормоқда.
Франция чемпионати. 18-тур
ПСЖ - Лилль - 3:0
Голлар: Дембеле, 13 (1:0). Дембеле, 64 (2:0). Барколя, 90+3 (3:0)
Розикжон Султонмуродов
Журналист