Ли Кан Ин «Атлетико»га ўтиш арафасида
24 ёшли жанубий кореялик футболчининг айни пайтдаги трансфер қиймати 28 миллион еврони ташкил этади.
ФОТО: Getty images
Мадриднинг «Атлетико» клуби «ПСЖ» ярим ҳимоячиси Ли Кан Ин трансферини якунлашга жуда яқин турибди. Бу ҳақда машҳур журналист ва инсайдер Фабрицио Романо ўзининг X ижтимоий тармоғида маълум қилди.
Маълумотларга кўра, томонлар ҳозирда келишувнинг сўнгги тафсилотларини мувофиқлаштирмоқда. «Атлетико» трансферни яқин кунларда расман якунлашни режалаштирган.
Transfermarkt баҳосига кўра, 24 ёшли жанубий кореялик футболчининг айни пайтдаги трансфер қиймати 28 миллион еврони ташкил этади.
Ли Кан Ин 2023 йилдан буён «ПСЖ» шарафини ҳимоя қилиб келмоқда. У ўтган мавсум барча мусобақаларда 39 та учрашувда майдонга тушиб, 4 та гол урди ва 5 та голли узатмани амалга оширди.
Розикжон Султонмуродов
Журналист