Левандовскининг агенти «Ювентус» билан музокара ўтказиш учун Италияга етиб борди
«Барселона» ҳужумчиси Роберт Левандовскининг агенти «Ювентус» билан музокаралар ўтказиш учун Италияга етиб келди. La Gazzetta dello Sport нашри хабар беришича, Турин клуби раҳбарияти билан учрашув яқин кунларда бўлиб ўтиши режалаштирилган. Ҳужумчи мавсум якунлангач, «Барселона»ни тарк этиши кутилмоқда.
Бундан ташқари, форвардга «Милан» ҳам қизиқиш билдираётгани айтилмоқда. «Ювентус»да эса, ўз навбатида, ҳужумчи Душан Влаховичнинг келажагига ойдинлик киритиш зарур. Сербиялик футболчининг шартномаси йил охирида якунланади ва у клубда қолишни истамоқда.
Бироқ раҳбарият уни жамоада олиб қолиш учун ҳаддан ташқари кўп маблағ сарфлаш ниятида эмас. Муқобил вариант сифатида ҳозирда «Тоттенхэм» шарафини ҳимоя қилаётган Рандалл Коло Муани қайтиши ҳам кўриб чиқилмоқда. Шунга қарамай, Левандовскининг ўтиши «Ювентус» учун энг жозибадор вариант бўлиб қолмоқда.
Жорий мавсумда Левандовски «Барселона» сафида барча турнирлар доирасида 40 та ўйинда иштирок этди. Унинг ҳисобида 17 та гол ва 3 та голли узатма мавжуд.
