Левандовски Гампер кубогини ўтказиб юборади
Фото: Getty Images
Роберт Левандовски жароҳати туфайли Гампер кубогини ўтказиб юборади.
Клуб расмий сайти хабар беришича, "Барселона"нинг 36 ёшли ҳужумчиси чап оёғи сонининг орқа қисмидан жароҳат олган. Уни таркибга қайтариш муддатларига аниқлик киритилмаган.
Левандовски ўтган мавсум Ла Лигада 34 та ўйинда майдонга тушиб, 27 та гол урди ва 2 та голли узатмани амалга оширди.
Жоан Гампер кубоги 10 август куни ўйналади. Каталония клуби Италиянинг "Комо" клубига қарши майдонга тушади.
Баҳром Бобонов
Редактор