Левандовски футболчилик фаолиятини якунлаши мумкин — манба
Унинг каталонияликлар билан шартномаси 2025/26-йилги мавсум якунига қадар амал қилади.
ФОТО: Getty images
Польшалик ҳужумчи Роберт Левандовски “Барселона” билан янги шартнома имзоламаса, футболчилик фаолиятини якунлаши мумкин. Бу ҳақда Sport.es нашри хабар берди.
Унинг каталонияликлар билан шартномаси 2025/26-йилги мавсум якунига қадар амал қилади. 37 ёшли форвард “Барселона”да қолишни хоҳламоқда ва имкон бўлса, захира футболчиси сифатида ўйнашга ҳам тайёр. Аммо клуб ҳужумчи билан шартнома узайтириш борасида бир қарорга келмаган.
Хабарларга кўра, тажрибали ҳужумчи Саудия Арабистони клубларидан молиявий яхши таклифлар олган, бироқ Роберт Европада қолиб, фаолиятини шу ерда давом эттиришни истамоқда.
Жорий мавсум Левандовски “Барселона” сафида жами 12 ўйинда майдонга тушиб, ўз ҳисобига 7 та гол ёздириб қўйган.
Розикжон Султонмуродов
Журналист