Левандовски: «Чемпионликни расман қўлга киритмагунча, бу ҳақда гапирмаслик керак»
«Барселона» ҳужумчиси Роберт Левандовски жамоасининг эҳтимолий чемпионлиги ҳақида ўз фикрларини билдирди. Агар Мадриднинг «Реал» клуби 3 май куни «Эспаньол»га қарши баҳсда очко йўқотса, каталонияликлар муддатидан аввал Ла Лига ғолиби бўлиши мумкин. Акс ҳолда, титул тақдири 10 май куни бўлиб ўтадиган «Эль-Класико»да ҳал бўлиши кутилмоқда.
«Ла Лигада ғалаба қозониш — бу ажойиб воқеа, Барселонанинг бош кўчаси жуда гўзал. Аммо чемпионликни расман расмийлаштирмагунча, бу ҳақда кўп гапирмаслик керак», — дея Левандовскининг сўзларини келтирмоқда Marca нашри.
Ла Лиганинг 34-туридан сўнг «Барселона» 88 очко жамғарган ҳолда пешқадамлик қилмоқда. Иккинчи ўринда бораётган Мадриднинг «Реал» клуби ҳисобида 74 очко мавжуд, бироқ «қироллик клуби» заҳирасида яна битта учрашув бор.
