Левандовски «Барселона» Ла Лигадаги асосий мақсадига тўхталди
Ла Лиганинг 34 та ўйинидан сўнг “Барселона” 88 очко тўплаган.
ФОТО: Getty images
“Барселона” ҳужумчиси Роберт Левандовски жамоанинг жорий мавсум Испания чемпионатида қандай мақсадни кўзлаётгани ҳақида гапирди. Шанба куни, 2-май санасида кўк-анорранглилар Ла Лиганинг 34-тур учрашувида “Осасуна”ни 2:1 ҳисобида мағлуб этди. Полшалик форвард 81-дақиқада ҳисобни очди.
“Мақсад — 100 очко тўплаш учун барча ўйинларда ғалаба қозониш. Ла Лигада ғолиб бўлсак ҳам, қолган ўйинларда ютитишимиз керак”, — дея Левандовскининг сўзларидан иқтибос келтиради Marca.
Ла Лиганинг 34 та ўйинидан сўнг “Барселона” 88 очко тўплаган. Иккинчи ўринда 74 очко билан Мадриднинг “Реал” клуби бормоқда, уларнинг захирада битта ўйини бор.
