Левандовски: Балки Ньюкасл учун гол уриш жуда осон бўлгандир
Польшалик ҳужумчи Чемпионлар лигаси 1/8 финали доирасидаги «Ньюкасл»га қарши ўйиндан сўнг ўз фикрлари билан ўртоқлашди.
photo: Google
«Барселона»нинг польшалик ҳужумчиси Роберт Левандовски Чемпионлар лигаси 1/8 финали доирасидаги «Ньюкасл»га қарши ўйиндан сўнг ўз фикрлари билан ўртоқлашди.
Каталонияликларнинг «қарғалар» устидан қозонган 7:2 ҳисобидаги йирик ғалабаси билан якунланган баҳсдан сўнг ҳужумчи шундай деди:
«Мен жуда бахтлиман, ўзим ва жамоам билан фахрланаман. Биз бир нечта хатоларга йўл қўйдик ва эҳтимол, «Ньюкасл» учун гол уриш жуда осон бўлгандир, аммо агар рақиб дарвозасига еттита гол киритсанг, ўйиндан тўлиқ мамнун бўлишинг мумкин», — дея Левандовскининг сўзларидан иқтибос келтирмоқда Barça Universal.
Иброҳим Жалолов
Редактор