Левандовски АПЛ клубига ўтиши мумкин
37 ёшли футболчининг "кўк-анорранглилар" билан меҳнат шартномаси келаси йилдаёқ ўз ниҳоясига етади.
ФОТО: Getty images
"Барселона" ҳужумчиси Роберт Левандовски фаолиятини Англия Премьер-лигасида давом эттириш вариантига эга.
Indykaila News хабарига кўра, номи ошкор этилмаган инглиз клуби польшаликка бир йиллик шартнома таклиф қилган. Ҳозирча тафсилотлар ошкор этилмаяпти.
Шунингдек, “Милан” ва Саудия клублари ҳам Левандовскини ўз сафига қўшиб олишни режалаштирган.
Эслатиб ўтамиз, 37 ёшли футболчининг "кўк-анорранглилар" билан меҳнат шартномаси келаси йилдаёқ ўз ниҳоясига етади.
Роберт Левандовски жорий мавсум "Барселона" сафида 12 та ўйинда 7 та гол урди.
Розикжон Султонмуродов
Журналист