«Лестер Сити» Англиянинг учинчи дивизионига тушиб кетди
«Лестер» Англиянинг учинчи дивизионига тушиб кетди. Чемпионшипнинг 44-туридан сўнг «тулкилар» 42 очко жамғариб, мусобақа жадвалининг охирги олди — 23-поғонасида турибди. Турнир якуннигача икки тур қолди. 21-ўринда бораётган «Блэкберн Роверс» эса 44 та учрашувда 49 очко тўплаган. Шу тариқа, «Лестер» лигада қолиш учун математик имкониятларини бутунлай йўқотди.
Ўтган мавсумда «тулкилар» Англия Премьер-лигасида иштирок этган эди. Чемпионат якунга кўра жамоа 25 очко билан 18-ўринни эгаллаб, Чемпионшипқа тушиб кетганди.
Феврал ойида 2023/2024 йилги мавсумдаги молиявий барқарорлик ва фойда кўриш қоидаларини бузгани учун клубдан олти очко олиб ташланган эди.
Маълумот учун, 2015/2016 йилги мавсумда «Лестер» Англия чемпиони бўлган эди. Ўшанда Клаудио Раньери шогирдлари 38 турда 81 очко жамғариб, энг яқин таъқибчиси «Арсенал»ни 10 очкога ортда қолдирган ҳолда ғолибликка эришган эди.
