Ленарт Карл жароҳат олди: у ЖЧ-2026'ни ўтказиб юбориши мумкин
Бўлажак мундиал 11-июндан 19-июлга қадар бўлиб ўтади.
ФОТО: Getty Images
Мюнхеннинг «Бавария» клуби ва Германия терма жамоаси ярим ҳимоячиси Ленарт Карл миллий терма жамоанинг машғулотларидан бирида жароҳат олди.
«Ленарт Карл бугунги машғулотда жароҳат олди. Жароҳат унчалик яхши кўринмаяпти. Уни кейинги текширувлар учун шифохонага юборишди. Биз якуний ташхис қўйилишини кутшишимиз ва унинг жаҳон чемпионатига бориш-бормаслигини ёки унинг ўрнига бошқа футболчи излашимиз кераклигини билиб олишимиз лозим», — дея Бундестим бош мураббийи Юлиан Нагельсманнинг сўзларини келтирмоқда ESPN нашри.
Эслатиб ўтамиз, ЖЧ-2026 мусобақасида Германия терма жамоаси «E» гуруҳида Кюрасао, Кот-д'Ивуар ва Эквадор миллий жамоаларига қарши баҳс олиб боради.
Насрулло Каримов
Журналист