Lenart Karl jarohat oldi: U JCh-2026'ni o‘tkazib yuborishi mumkin
Boʻlajak mundial 11-iyundan 19-iyulga qadar boʻlib oʻtadi.
FOTO: Getty Images
Myunxenning «Bavariya» klubi va Germaniya terma jamoasi yarim himoyachisi Lenart Karl milliy terma jamoaning mashg‘ulotlaridan birida jarohat oldi.
«Lenart Karl bugungi mashg‘ulotda jarohat oldi. Jarohat unchalik yaxshi ko‘rinmayapti. Uni keyingi tekshiruvlar uchun shifoxonaga yuborishdi. Biz yakuniy tashxis qo‘yilishini kutishimiz va uning jahon chempionatiga borish-bormasligini yoki uning o‘rniga boshqa futbolchi izlashimiz kerakligini bilib olishimiz lozim», — deya bundestim bosh murabbiyi Yulian Nagelsmanning so‘zlarini keltirmoqda ESPN nashri.
Eslatib o‘tamiz, JCh-2026 musobaqasida Germaniya terma jamoasi «E» guruhida Kyurasao, Kot-d'Ivuar va Ekvador milliy jamoalariga qarshi bahs olib boradi.
Nasrullo Karimov
Jurnalist