Лэмпард «Челси»га қайтиши мумкин
Лэмпард 2019-2021 йиллар давомида ҳам Лондон клубини бошқарган эди.
ФОТО: Getty images
“Ковентри” жамоасини 25 йиллик танаффусдан сўнг Англия Премьер-лигасига олиб чиққан Френк Лэмпард фаолиятини яна собиқ клубида давом эттириши мумкин.
The Sun тарқатган хабарга кўра, у “Челси”ни бошқариш учун номзодлар қаторидан жой эгаллади.
Маълумот учун, Лэмпард 2019-2021 йиллар давомида ҳам Лондон клубини бошқарган эди.
Ўз навбатида, “Ковентри” раҳбарияти мутахассисни жамоада сақлаб қолишга ҳаракат қиляпти. Клуб президенти Дуг Кинг мураббийнинг келажаги борасида шундай деди:
“Фрэнк бу ерда бахтли, унга шаҳар ёқади. Албатта, қандайдир фавқулодда кутилмаган таклиф бўлиши мумкин, лекин бу ҳақда ҳозирча изоҳ бера олмайман. У — ажойиб мураббий”, - деди Кинг.
