Леау ёзда «Милан»ни тарк этиши мумкин
Унинг итальян жамоаси билан шартномаси 2028 йилнинг 30 июнига қадар мўлжалланган.
ФОТО: Getty images
“Милан” вингери Рафаэль Леау ёзда жамоани тарк этиши мумкин. Бу ҳақда Daily Mail нашри хабар тарқатмоқда.
Манбага кўра, “россонерилар” португалиялик футболчини ёзги трансфер ойнасида сотишга тайёр.
Ҳужумчига “Манчестер Сити”, “Ливерпуль” ва “Реал” клублари қизиқиш билдирмоқда. Милан клуби ўз футболчисининг сотувидан тахминан 60 миллион фунт стерлинг ишлаб олмоқчи.
Эслатиб ўтамиў, Леау 2019 йилда “Лилл”дан “Милан”га 49 миллион евро эвазига ўтган эди. Унинг итальян жамоаси билан шартномаси 2028 йилнинг 30 июнига қадар мўлжалланган.
Жорий мавсумда ҳужумчи Италия клуби сафида барча турнирларда 27 та ўйинда майдонга тушиб, 10 та гол урди ва 3 та голли узатмани амалга оширди.
Розикжон Султонмуродов
Журналист