Leau yozda «Milan»ni tark etishi mumkin
Uning italyan jamoasi bilan shartnomasi 2028 yilning 30 iyuniga qadar mo‘ljallangan.
ФОТО: Getty images
“Milan” vingeri Rafael Leau yozda jamoani tark etishi mumkin. Bu haqda Daily Mail nashri xabar tarqatmoqda.
Manbaga ko‘ra, “rossonerilar” portugaliyalik futbolchini yozgi transfer oynasida sotishga tayyor.
Hujumchiga “Manchester Siti”, “Liverpul” va “Real” klublari qiziqish bildirmoqda. Milan klubi o‘z futbolchisining sotuvindan taxminan 60 million funt sterling ishlab olmoqchi.
Eslatib o‘tamiz, Leau 2019 yilda “Lill”dan “Milan”ga 49 million yevro evaziga o‘tgan edi. Uning italyan jamoasi bilan shartnomasi 2028 yilning 30 iyuniga qadar mo‘ljallangan.
Joriy mavsumda hujumchi Italiya klubi safida barcha turnirlarda 27 ta o‘yinda maydonga tushib, 10 ta gol urdi va 3 ta golli uzatmani amalga oshirdi.
Roziqjon Sultonmurodov
Jurnalist