Леау «Милан»ни тарк этишга тайёр — манба

«Милан» вингери Рафаэл Леау жорий ёзда клубини тарк этиши мумкин. Инсайдер Николо Скиранинг маълум қилишича, португалиялик футболчи энди жамоанинг «дахлсиз» футболчилари қаторида кўрилмаяпти.

«Милан» 27 ёшли футболчи бўйича 40 миллион евро атрофидаги таклифларни кўриб чиқишга тайёр. Ҳозир клуб раҳбарияти Леауга қизиқиш билдираётган жамоалардан аниқ таклифлар келишини кутмоқда.

Леау 2019 йилдан буён «Милан» шарафини ҳимоя қилиб келмоқда. Шу вақт давомида у барча мусобақаларда 293 та учрашув ўтказиб, 80 та гол ва 55 та голли узатма қайд этган.

Сўнгги ҳафталарда ОАВ унинг хизматларига Туркиянинг «Галатасарай» клуби қизиқиш билдираётгани ҳақида хабар бермоқда.

Леаунинг «Милан» билан амалдаги шартномаси 2028 йил ёзигача мўлжалланган.

Розикжон Султонмуродов

Журналист

0 0 0 0 0 0