Леандро Паредес финал ҳуштагидан сўнг жанжал кўтарди ва қизил карточка олди
Аргентина терма жамоаси ҳимоячиси Леандро Паредес Испанияга қарши кечган ЖЧ-2026 финал учрашувидан (0:1) кейин юзага келган муштлашув сабабли қизил карточка олди, дея хабар бермоқда L'Équipe нашри.
Ўйиндан кейинги жанжал вақтида Леандро Паредес дастлаб Эрик Гарсияни тўртди, шундан сўнг Гави унга яқинлашишга ҳаракат қилди. Бироқ аргентиналик футболчи Гавини майдонга йиқитиб, унинг либосидан (манишка) ушлаган ва зарба берган.
Мазкур можарога ҳар икки жамоанинг бошқа футболчилари ва мураббийлар штаби вакиллари аралашганидан сўнг, бош ҳакам Паредесга тўғридан-тўғри қизил карточка кўрсатди.
Эслатиб ўтамиз, 2026 йилги Жаҳон чемпионати 11 июндан 19 июлгача АҚШ, Канада ва Мексика майдонларида бўлиб ўтди. Финалда Испанияга имкониятни бой берган Аргентина терма жамоаси амалдаги чемпион унвонини ҳимоя қила олмади. 2022 йили Қатарда ўтган турнир финалида жамоа Францияни мағлуб этган эди (3:3, пенальтилар бўйича — 4:2).
