«Лацио» раҳбарияти Женнаро Гаттузо билан учрашув ўтказди
Женнаро Гаттузо «Лацио» раҳбарияти билан учрашиш учун клуб қароргоҳига етиб келди, деб хабар бермоқда Corriere dello Sport. Аввалроқ, Италия терма жамоасининг собиқ бош мураббийи Рим клубида Мауриццо Саррининг ўрнини эгаллашга яқин эканлиги ҳақида хабарлар тарқалган эди.
Манба берган маълумотларга кўра, чоршанба куни кундузи Гаттузо «Лацио» машғулот базаcига ташриф буюриб, клуб раҳбарияти билан учрашган ва шартноманинг сўнгги деталларини келишиб олган. Шунингдек, Гаттузо раҳбарият билан таркибни шакллантириш ҳамда трансфер стратегиясини ҳам муҳокама қилгани қайд этилган. Манбанинг таъкидлашича, мутахассис аллақачон жамоанинг бир нечта футболчилари билан суҳбатлашишга ҳам улгурган.
48 ёшли Гаттузо ЖЧ-2026 саралашининг финал босқичида Босния ва Герцеговина терма жамоасидан учралган мағлубиятдан сўнг (1:1, пенальтилар бўйича 1:4) Италия бош жамоасини тарк этган эди. Шу тариқа, Италия кетма-кет учинчи бор дунё биринчилигини ўтказиб юборадиган бўлди.
Ортда қолган 2025/2026 йилги мавсум якунларига кўра, «Лацио» Италия А Сериясида 54 очко жамғариб, турнир жадвалида тўққизинчи ўринни эгаллади.
