Лапорта «Барселона» президентилиги учун ўтказилган сайловда ғалаба қозонди — Романо
Таниқли журналист ва инсайдер Фабрицио Романо ўзининг ижтимоий тармоқдаги саҳифасида 15 мартдан 16 мартга ўтар кечаси якунланган «Барселона» президентилик сайловларининг расмий натижаларини эълон қилди.
«Жоан Лапорта «Барселона» президентилиги учун ўтказилган сайловларда ғалаба қозонди! Лапорта ўз вазифасини бажаришга киришди ва бугунги овоз бериш жараёнидан сўнг клубдаги фаолиятини янги босқичда давом эттиради», — деб ёзади Романо.
Шу тариқа, Жоан Лапорта ушбу лавозимга учинчи бор сайланди. Испаниялик мутахассис 2003 йилдан 2010 йилгача, шунингдек, 2021 йилдан 2026 йилгача бўлган даврда ҳам «кўк-анорранглилар»га раҳбарлик қилган.
Ғолиб номзод 1 июлдан ўз вазифасига расман киришади ва Каталония клубини 2031 йилга қадар бошқаради. Таъкидлаш жоизки, ушбу сайловларда Лапортанинг асосий рақиби Виктор Фонт бўлган эди.
