Лапорт собиқ жамоасига қайтишга тайёр
Фото: Getty Images
Бильбаонинг "Атлетик" клуби "Ан-Наср" марказий ҳимоячиси Эмерик Лапортни ортга қайтариш ишларини бошлаб юборди.
Бир неча кун аввал клуб ва футболчининг вакиллари ўртасида музокара бўлиб ўтди. Томонлар оғзаки келишувга эришган. 31 ёшли ҳимоячи ҳам Ла Лигага қайтишга тайёр.
Эмерик Лапорт 2023 йилдан буён Саудия Арабистонида тўп тепиб келмоқда. Олдинги беш йил давомида у "Манчестер Сити" шарафини ҳимоя қилган ва фаолиятининг бошида "Атлетик"да ўйнаган ва у ерда 200 дан ортиқ ўйин ўтказган. Transfermarkt порталида футболчининг нархи - 15 млн евро.
Баҳром Бобонов
Редактор