Laport sobiq jamoasiga qaytishga tayyor
Photo: Getty Images
Bilbaoning "Atletik" klubi "An-Nasr" markaziy himoyachisi Emerik Laportni ortga qaytarish ishlarini boshlab yubordi.
Bir necha kun avval klub va futbolchining vakillari o‘rtasida muzokara bo‘lib o‘tdi. Tomonlar og‘zaki kelishuvga erishgan. 31 yoshli himoyachi ham La Ligaga qaytishga tayyor.
Emerik Laport 2023 yildan buyon Saudiya Arabistonida to‘p tepib kelmoqda. Oldingi besh yil davomida u "Manchester Siti" sharafini himoya qilgan va faoliyatining boshida "Atletik"da o‘ynagan hamda u yerda 200 dan ortiq o‘yin o‘tkazgan. Transfermarkt portalida futbolchining narxi – 15 mln yevro.
Bahrom Bobonov
Redaktor